ଓଡ଼ିଶା ଫାଷ୍ଟ(ବ୍ୟୁରୋ): କୋଭିଡ ପରିଚାଳନା ପାଇଁ ଓଡିଶାକୁ ପ୍ରସଂଶା କଲେ ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ। ସେ କହିଛନ୍ତି ଅକ୍ସିଜେନ ବଣ୍ଟନ ଠାରୁ ଆରମ୍ଭ କରି ସ୍ୱତନ୍ତ୍ର ରଣନୀତି, ଯୋଜନା ଓ ଦରଦୃଷ୍ଟି ଯୋଗୁଁ କରୋନାକୁ ଆୟତ କରିବାରେ ସଫଳ ହୋଇଛନ୍ତି ଓଡ଼ିଶା ସରକାର । ଓଡ଼ିଶା ସହ କେରଳ ମଧ୍ୟ କରୋନା ମୁକାବିଲା ବେଶ ସଫଳତା ପାଇଥିବା କହିଛନ୍ତି ଚିଦାମ୍ବରମ୍ବ ।
ବର୍ତ୍ତମାନ ସମୟରେ ଅନେକ ବାଧାବିଘ୍ନ ସତ୍ୱେ ରାଜ୍ୟ ସରକାର ସେମାନେ ନିଜ ଲକ୍ଷ୍ୟସ୍ଥଳର ନିକଟବର୍ତ୍ତୀ ହୋଇପାରିଛନ୍ତି । ଏଥିସହ କେନ୍ଦ୍ର ସରକାରଙ୍କ ଟିକାକରଣ ଯୋଜନାକୁ ମଧ୍ୟ ପି ଚିଦାମ୍ବରମ ନିନ୍ଦା କରିଛନ୍ତି । ଦେଶରେ ଟିକା ଅଭାବକୁ ଦୁର କରିବାରେ ସମ୍ପୂର୍ଣ୍ଣ ଫେଲ ମାରିଛନ୍ତି କେନ୍ଦ୍ର ସରକାର । ଦେଶରେ କେତେ ଟିକାର ଆବଶ୍ୟକ ରହିଛି ତାର ହିସାବରେ ମଧ୍ୟ କେନ୍ଦ୍ର ବିଫଳ ହୋଇଛି ।