ଓଡ଼ିଶା ଫାଷ୍ଟ(ବ୍ୟୁରୋ): ବିଳମ୍ବିତ ରାତିରେ କଂପିଲା ରାଜଧାନୀ। କଳ୍ପନା ଛକରୁ ଲକ୍ଷ୍ମୀସାଗର ରାସ୍ତାରେ ଥିବା ଏକ ବାର୍ ସମ୍ମୁଖରେ ଏହି ବୋମା ମାଡ଼ ହୋଇଛି । ପ୍ରଚଣ୍ଡ ଶବ୍ଦରେ କମ୍ପି ଉଠିଥିଲା ପୁରା ଅଞ୍ଚଳ।ଶନିବାର ବିଳମ୍ବିତ ରାତିରେ ଏହି ବୋମା ମାଡ ହୋଇଥିବା ବେଳେ ଆଖପାଖରେ ଥିବା ଲୋକେ ଭୟଭୀତ ହୋଇପଡିଥିଲେ । କଳ୍ପନା ନିକଟ କଟକ ରୋଡ଼ରେ ୨ଟି ବୋମାମାଡ଼ କରି ଦୁର୍ବୃତ୍ତ ଫେରାର ହୋଇଯାଇଛନ୍ତି। ଗୋଟିଏ ବୋମା ଫୁଟି ଯାଇଥିବା ବେଳେ ଅନ୍ୟଟି ଫୁଟି ନଥିଲା । ସେହି ରାସ୍ତା ଦେଇ ଯାଉଥିବା ଲୋକେ ଭୟରେ କିଛି ସମୟ ପାଇଁ ଅଟକି ଯାଇଥିଲେ। ରାସ୍ତାର ମଝିରେ ବୋମା ପଡ଼ିଥିବାରୁ ସେହି ରୁଟରେ ଯାତାୟତ ବାଧାପ୍ରାପ୍ତ ହୋଇଥିଲା । ଖବର ପାଇ ପିସିଆର୍ ଭ୍ୟାନ ପହଞ୍ଚି ଅଫୁଟା ବୋମାକୁ ନିଷ୍କ୍ରିୟ କରିଥିଲା। ତେବେ ବୋମା କିଏ ପିଙ୍ଗିଲା ତାହା ସ୍ପଷ୍ଟ ହୋଇନାହିଁ ।
