ଓଡ଼ିଶା ଫାଷ୍ଟ(ବ୍ୟୁରୋ): ଯାଜପୁରରୁ ଆଜି ଆଉ ୫ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୨ଜଣ ମହିଳା ଓ ୩ଜଣ ପୁରୁଷ ଅଛନ୍ତି । ୨୪,୬୦ ବର୍ଷୀୟ ମହିଳା ଥିବାବେଳେ ୨୮, ୫୬ ଓ ୬୩ ବର୍ଷୀୟ ପୁରୁଷ ଅଛନ୍ତି । ଏମାନେ ସମସ୍ତେ କୋଲକାତା ଫେରିଥିଲେ ଓ କ୍ୱାରେନଟାଇନରେ ଥିଲେ । ନୂଆ ପଜେଟିଭକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୫୪ରେ ପହଞ୍ଚିଛି ।
ସୂଚନା ଅନୁଯାୟୀ, ଆକ୍ରାନ୍ତ ୩ ପୁରୁଷ କୋଲକାତାରୁ ଫେରୁଥିବା ସମୟରେ ଦୁଇ ମହିଳା ସେମାନଙ୍କ ସଂସ୍ପର୍ଷରେ ଆସିଥିଲେ । ତେବେ ଏମାନେ ଆଉ କାହା ସଂସ୍ପର୍ଶରେ ଆସିଛନ୍ତି, ସେ ନେଇ ତଦନ୍ତ ଆରମ୍ଭ ହୋଇଛି । ଏହି ଆକ୍ରାନ୍ତଙ୍କୁ ମିଶାଇ ଯାଜପୁରରେ ଆକ୍ରାନ୍ତଙ୍କ ସଂଖ୍ୟା ୪୫କୁ ବୃଦ୍ଧି ପାଇଛି । ଏଥିମଧ୍ୟରୁ ଜଣେ ସୁସ୍ଥ ହୋଇଛନ୍ତି ।
ରାଜ୍ୟର ମୋଟ ଆକ୍ରାନ୍ତଙ୍କ ମଧ୍ୟରୁ ୯୮ ଚିକିତ୍ସିତ ହେଉଥିବା ବେଳେ ୫୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଜଣଙ୍କର ମୃତ୍ୟୁ ଘଟିଛି ।