ଓଡ଼ିଶା ଫାଷ୍ଟ(ବ୍ୟୁରୋ): ଦୋଳପୂର୍ଣ୍ଣିମା ଉପଲକ୍ଷେ ଚାଲିଥିବା ନାଚରେ ବାଣ ଫୁଟି ୮ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ 3 ଜଣଙ୍କ ଅବସ୍ଥା ଗୁରୁତର ଅଛି । ଗୁରୁତରମାନଙ୍କୁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଗଞ୍ଜାମ ଜିଲ୍ଲା ଧରାକୋଟ ଥାନା ଅନ୍ତର୍ଗତ କେ. ରାମଚନ୍ଦ୍ରପୁରରେ ଏପରି ଅଭାନୀୟ ଘଟଣା ଘଟିଛି । କେ. ରାମଚନ୍ଦ୍ରପୁରରେ ଦୋଳପୂର୍ଣମା ଉପଲକ୍ଷେ ଚାକୁଣ୍ଡ ମହାଭାରତ ହେଉଥିଲା । ନାଟକର ଏକ ଦୃଶ୍ୟରେ ବାଣ ଫୁଟାବାର ଥିଲା ।
ସେମାନଙ୍କ ମଧ୍ୟରେ ଦୁଇଜଣ ନାବାଳକ ଅଛନ୍ତି । ଏହି ଘଟଣାପରେ ଯାତ୍ରା ବନ୍ଦ ହୋଇଯାଇଥିଲା । ଜୀବନ ବିକଳରେ ଲୋକେ ଯିଏ ଯୁଆଡେ ଦୌଡିଥିଲେ । ଧାଁ ଦଉଡ ମଧ୍ୟରେ ମଧ୍ୟ କିଛି ଲୋକ ଆହତ ହୋଇଛନ୍ତି । ରାଧାକୃଷ୍ଣ ଯୁବ ନାଟ୍ୟ ସଂସଦ ପକ୍ଷରୁ ଚାଲିଥିବା ଯାତ୍ରାସ୍ଥଳରେ କିଛି ସମୟ ପାଇଁ କ୍ରନ୍ଦନରୋଳ ସୃଷ୍ଟି ହୋଇଥିଲା । ବାଣର ପ୍ରକୋପ ଏତେ ଥିଲା ଯେ ନିକଟରେ ଥିବା ସମସ୍ତ ଜିନିଷ ଛିନ୍ନିଛତ୍ର ହୋଇପଡିଥିଲା ।