ଓଡ଼ିଶା ଫାଷ୍ଟ(ବ୍ୟୁରୋ): ଭାରତର ନମ୍ବର ୱାନ ରିଏଲିଟି ଶୋ “କୌନ୍ ବନେଗା କରୋଡପତି”ର ହଟସିଟରେ ନଜର ଆସିବେ କିଟ୍ ଓ କିସ୍ ର ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡ. ଅଚ୍ୟୁତ ସାମନ୍ତ । ଆସନ୍ତା ୧୫ତାରିଖ ରାତି ୯ଟା ସମୟରେ ସୋନି ଟିଭିରେ ଏହି କାର୍ଯ୍ୟକ୍ରମ ପ୍ରସାରିତ ହେବ ।
ସୂଚନା ଅନୁଯାୟୀ, “କୌନ୍ ବନେଗା କରୋଡପତି”ର ଏହି ସଂସ୍କରଣରେ ସାଂସଦ ଡ. ଅଚ୍ୟୁତ ସାମନ୍ତଙ୍କ ସହ ବଲିଉଡ୍ ଅଭିନେତ୍ରୀ ତାପସୀ ପନ୍ନୁ ମଧ୍ୟ ନଜର ଆସିବେ । ଏହା ଏକ କର୍ମବୀର ସିରିଜ । ଏହି ସିରିଜରେ ସେହିମାନେ ସ୍ଥାନ ପାଇଥାନ୍ତି ଯେଉଁମାନେ ସାଧାରଣ ଲୋକଙ୍କ ସେବାରେ ନିଜକୁ ଉତ୍ସର୍ଗ କରିଥାନ୍ତି । ଏହି ଶୋ’ରେ କିଟ୍ ଓ କିସ୍ ର ପ୍ରତିଷ୍ଠାତା ଡ.ଅଚ୍ୟୁତ ସାମନ୍ତ ସ୍ଥାନ ପାଇଥିବାରୁ ସାରା ଓଡିଶା ତାଙ୍କ ପାଇଁ ଗର୍ବିତ ।
ଏହାପୂର୍ବରୁ ଓଡ଼ିଶାର ଧାବିକା ଦୂତି ଚାନ୍ଦ ଏବଂ ଆଇପିଏସ ସତ୍ୟ ନାରାୟଣ ପ୍ରଧାନ ରିଏଲିଟି ଶୋ “କୌନ୍ ବନେଗା କରୋଡପତି”ର ହଟସିଟରେ ନଜର ଆସିଥିଲେ ।
