ଓଡ଼ିଶା ଫାଷ୍ଟ(ବ୍ୟୁରୋ): ବର୍ତ୍ତମାନ ସୋସିଆଲ ମିଡିଆରେ ଏକ ମାଛର ଭିଡ଼ିଓ ଭାଇରଲ ହୋଇଛି । ଏହା ୧୪ ସେକେଣ୍ଡର ଭିଡ଼ିଓ । ଏହି ଭିଡ଼ିଓ ରେ ଦେଖାଯାଉଥିବା ମାଛର ମୁହଁ ଅବିକଳ ମଣିଷ ମୁହଁ ପରି । ଦକ୍ଷିଣ ଚୀନର ମିଆଓ ଗାଁରେ ଦେଖିବାକୁ ମିଳିଛି ଏହି ବିରଳ ପ୍ରଜାତିର ମାଛ ।
ସୂଚନା ଅନୁଯାୟୀ, ଜଣେ ମହିଳା ଚୀନର ମିଆଓ ଗାଁକୁ ବୁଲିବାକୁ ଆସିଥିଲେ । ଏହି ସମୟରେ ସେ ନଦୀରେ ଏକ ମାଛ ଦେଖିଥିଲେ ଯାହାର ମୁହଁ ଅବିକଳ ମଣିଷ ମୁହଁ ପରି ଦେଖାଯାଉଥିଲା । ସେ ତୁରନ୍ତ ଏହାର ଏକ ୧୪ ସେକେଣ୍ଡର ଭିଡ଼ିଓ ତିଆରି କରି ଚାଇନାର ଡେଲି ମେଲ ପାଖକୁ ପଠାଇଥିଲେ । ଏହାପରେ କିଛି ସେକେଣ୍ଡ ମଧ୍ୟରେ ଏହି ଭିଡ଼ିଓ ସୋସିଆଲ ମିଡିଆରେ ଭାଇରଲ ହୋଇଥିଲା । ଏହି ମାଛର ମଣିଷ ପରି ଦୁଇଟି ଆଖି, ଗୋଟିଏ ନାକ ଓ ଗୋଟିଏ ପାଟି ଥିବା ପରି ଦେଖାଯାଉଛି । ଏହିପରିକି ମାଛଟି ପାଣି ଉପରକୁ ମୁହଁ କାଢି ମଣିଷଙ୍କ ପରି ପାକୁଳି କଲାପରି ଏହି ଭିଡ଼ିଓରେ ଦେଖାଯାଉଛି । ଏହି ଭିଡ଼ିଓର ସତ୍ୟାସତ୍ୟ ନେଇ ଚାଇନା ପକ୍ଷରୁ ସ୍ପଷ୍ଟ କରାଯାଇନାହିଁ ।
