ଓଡ଼ିଶା ଫାଷ୍ଟ(ବ୍ୟୁରୋ): ପାକିସ୍ତାନରେ କରାଚୀ-ରାୱଲପିଣ୍ଡି ତେଜ୍ଗାମ ଏକ୍ସପ୍ରେସ ଟ୍ରେନରେ ଲାଗିଲା ନିଆଁ । ତିନୋଟି ବଗି ପୋଡି ହେଲା ପାଉଁଶ । ପୋଡିହୋଇ ଚାଲିଗଲା ୬୨ ଜଣ ଯାତ୍ରୀଙ୍କ ଜୀବନ ।
ସୂଚନା ଅନୁଯାୟୀ, ଆଜି ସକାଳେ ପାକିସ୍ତାନର ଲିଆକତ୍ପୁର ର ରହିମ ୟାର୍ ଖାଁ ନିକଟରେ କରାଚୀ-ରାୱଲପିଣ୍ଡି ତେଜ୍ଗାମ ଏକ୍ସପ୍ରେସ ଟ୍ରେନରେ ନିଆଁ ଲାଗିଯାଇଥିଲା । ଏହି ନିଆଁ ଖାଦ୍ୟ ପ୍ରସ୍ତୁତ ପାଇଁ ଥିବା ସିଲିଣ୍ଡର ବିସ୍ପୋରଣରୁ ଲାଗିଥିବା ରେଲୱେ ଅଧିକାରୀ କହିଛନ୍ତି । ଯାହା ଫଳରେ ନିଆଁ ଏହାର ପାଖରେ ଥିବା ବଗି ଗୁଡିକୁ ବ୍ୟାପି ଯାଇଥିଲା । କେହି କିଛି ବୁଝିବା ଆଗରୁ ଏହି ବଗି ଗୁଡିକରେ ଥିବା ୬୨ ଯାତ୍ରୀଙ୍କ ଜୀବନ ଚାଲିଯାଇଥିଲା । ବର୍ତ୍ତମାନ ମଧ୍ୟ ଉଦ୍ଧାର କାର୍ଯ୍ୟ ଜାରୀରହିଛି । ଆହତ ମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
