ଓଡ଼ିଶା ଫାଷ୍ଟ(ବ୍ୟୁରୋ): କମ୍ବିଂ ଅପରେସନରେ ୫ ମାଓବାଦୀ ନିହତ । ରବିବାର ମାଲକାନଗିରି ସୀମାରେ ମାଡିଗାମାଲ୍ଲି ଜଙ୍ଗଲରେ କମ୍ବିଂ ଅପରେସନ ହେଉଥିବା ସମୟରେ ଆନ୍ଧ୍ର ଗ୍ରେହାଉଣ୍ଡଙ୍କ ସହ ମାଓବାଦୀଙ୍କ ଗୁଳି ବିନିମୟ ହୋଇଥିଲା । ଏହି ଗୁଳି ବିନିମୟରେ ୫ ମାଓବାଦୀଙ୍କ ମୃତ୍ୟୁ ଘଟିଛି । ଘଟଣାସ୍ଥଳରୁ ୫ ମାଓବାଦୀଙ୍କ ମୃତଦେହ ସହ ବିପୁଳ ପରିମାଣର ମାଓସାମଗ୍ରୀ, ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଥିବା ସୂଚନା ମିଳିଛି ।
ସୂଚନା ଅନୁଯାୟୀ, କାଲିମେଳା ଥାନା ସୀମାରେ ମାଡିଗାମାଲ୍ଲି ଜଙ୍ଗଲରେ ନକ୍ସଲ ଶିବିର ଚାଲୁଥିବା ଖବର ପାଇ ଆଜି ଡିଭିଏଫ୍, ଏସଓଜିଙ୍କ ସହ ଆନ୍ଧ୍ର ଗ୍ରେହାଉଣ୍ଡ ଆରମ୍ଭ କରିଥିଲେ ମିଳିତ ଅପରେସନ । ପୋଲିସ ଓ ମାଓବାଦୀଙ୍କ ମଧ୍ୟରେ ହୋଇଥିଲା ଗୁଳିବିନିମୟ । ଫଳରେ ଘଟଣାସ୍ଥଳରେ ୫ମାଓବାଦୀ ନିହତ ହୋଇଥିଲେ । ଅବଶିଷ୍ଟ ମାଓବାଦୀ ଲୁଚି ପଳାଇବାରେ ସକ୍ଷମ ହୋଇଥିଲେ ।