ଓଡିଶା ଫାଷ୍ଟ(ବ୍ୟୁରୋ): ଓଡ଼ିଶା ରସଗୋଲାକୁ ଜି.ଆଇ ମାନ୍ୟତା ମିଳିଥିବାରୁ ସମଗ୍ର ରାଜ୍ୟରେ ଖୁସିର ମାହୋଲ ଦେଖିବାକୁ ମିଳୁଛି । ଏହି ଜି.ଆଇ ମାନ୍ୟତାର ସବୁଠାରୁ ଅଧିକ ଖୁସି ବିଜେଡି ଦଳ ମଧ୍ୟରେ ଦେଖିବାକୁ ମିଳିଛି । ରାଜ୍ୟ ବିଜେଡି କାର୍ଯ୍ୟାଳୟରେ ସମସ୍ତେ ପରସ୍ପରଙ୍କୁ ରସଗୋଲା ଖୁଆଇ ଏହି ଖୁସି ମାନଉଛନ୍ତି । ଏହାର ଶ୍ରେୟ ସେମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦେବାସହ ଶୁଭେଚ୍ଛା ମଧ୍ୟ ଜଣାଉଥିବା ଦେଖିବାକୁ ମିଳୁଛି ।
ଗତକାଲି ଜିଲ୍ଲା ସଭାପତି ଅମରେଶ ଜେନାଙ୍କ ଅଧ୍ୟକ୍ଷତାରେ ବିଜେଡି ତରଫରୁ ଏକ ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ରାଜ୍ୟ ବିଜେଡି ସାଧାରଣ ସମ୍ପାଦକ ରବି ସାମଲ, ସମ୍ପାଦକ ଦୁର୍ଗା ସାମନ୍ତରାୟ, ବିଜେଡି ମୁଖପାତ୍ର ସୁଲୋଚନା ଦାସ ପ୍ରମୁଖ ଯୋଗଦେଇ ମୁଖ୍ୟମନ୍ତ୍ରୀଙ୍କ ଉଦ୍ୟମକୁ ପ୍ରଶଂସା କରିଥିଲେ । ଏହି ସଭାରେ ପାହାଳ ରସଗୋଲା ସଂଘର ସଭାପତି ପପୁ ଲେଙ୍କା ଉପସ୍ଥିତ ରହି ସମସ୍ତ ବିଜେଡି କାର୍ଯ୍ୟକର୍ତାଙ୍କୁ ରସଗୋଲା ଖୁଆଇଥିଲେ ।