ଓଡ଼ିଶା ଫାଷ୍ଟ(ବ୍ୟୁରୋ): କଟକରେ ୨୪ ଘଣ୍ଟା ମଧ୍ୟରେ ୩ଜଣଙ୍କୁ ହତ୍ୟା କରିଥିବା ସାଇକୋ କିଲର ର କିଛି ସୁରାକ ପାଇଥିବା କମିଶନରେଟ ପୋଲିସ ସୂଚନା ଦେଇଛି ।
ପୋଲିସ ସୂଚନା ଅନୁଯାୟୀ, କିଛିଦିନ ତଳେ କଟକରେ ୨୪ ଘଣ୍ଟା ମଧ୍ୟରେ ୩ଜଣଙ୍କୁ ହତ୍ୟା କରିଥିଲା ସାଇକୋ କିଲର । ଏହି କିଲର ରାତିରେ ବାହାରେ ଶୋଉଥିବା ନିରାଶ୍ରୟୀଙ୍କୁ ହତ୍ୟା କରୁଥିବା ରୁ କଟକ ସହରରେ ଭୟର ବାତାବରଣ ସୃଷ୍ଟି ହୋଇଛି । ମାତ୍ର ଆଜି କମିଶନରେଟ ପୋଲିସ ଏହାର ଖୁଲାସା କରି କହିଛିକି, ଏହି ଅଭିଯୁକ୍ତ ଜଣକ କିଛିଦିନ ପୂର୍ବରୁ କଟକ ମେଡ଼ିକାଲରେ ସାଇକିଆଟ୍ରିକ୍ ବିଭାଗରେ ଚିକିତ୍ସିତ ହେଉଥିଲେ । ହତ୍ୟାକାରୀକୁ ଧରିବାକୁ ପୋଲିସ ପୂରା ଉଦ୍ୟମ ଚଳାଇଛି ବୋଲି ପୋଲିସ କମିଶନର କହିଛନ୍ତି ।