ଓଡ଼ିଶା ଫାଷ୍ଟ(ବ୍ୟୁରୋ): ଆସନ୍ତା ୨୫ ତାରିଖରୁ ଷୋଡଶ ବିଧାନସଭା ମୌସୁମୀ ଅଧିବେଶନ ଆରମ୍ଭ ହେବ । ଏଥିଯୋଗୁ ଗତକାଲି ଶାସକ ବିଜେଡିର ବିଧାୟକ ଦଳ ବୈଠକ ବସିଥିବା ବେଳେ ବିରୋଧୀ ଦଳ ନେତା ବାଛିବା ପାଇଁ ମଧ୍ୟ ଗତକାଲି ବସିଥିଲା ବିଜେପି ବିଧାୟକ ଦଳ ବୈଠକ । ହେଲେ ବିରୋଧୀ ଦଳ ନେତା କିଏ ହେବ ସେ ନେଇ ଏବେ ବି ସ୍ଥିର କରାଯାଇ ପାରିନାହିଁ ।
ସୂଚନା ଅନୁଯାୟୀ, ଗତକାଲି ଅପରାହ୍ନରେ ବିଜେପି ବିଧାୟକ ଦଳ ବୈଠକ ବସିଥିଲା । ଏଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରତାପ ଷଡ଼ଙ୍ଗୀ ଯୋଗଦେଇଥିଲେ । ତେବେ ଜୟନାରାୟଣ ମିଶ୍ର, ମୋହନ ମାଝି ଓ ପ୍ରଦୀପ ନାୟକଙ୍କ ନାଁ ବିରାଧୀ ଦଳ ନେତା ପାଇଁ ଚର୍ଚ୍ଚା ହେଉଥିଲେ ବି ଆଜି ବୈଠକରେ ଏ ନେଇ କୌଣସି ନିଷ୍କର୍ସ ବାହାରି ପାରିନାହିଁ । ତେବେ ବିଜେପି ରାଜ୍ୟ ସଭାପତି ବସନ୍ତ ପଣ୍ଡା କହିଛନ୍ତି ପ୍ରାର୍ଥୀ ଚୟନ କରାଯାଇଛି । ଦଳର ସଭାପତି ଅମିତ୍ ଶାହ ଏହି ନାଁ ଘୋଷଣା କରିବେ ।