ବିଜେଡିରେ ମିଶିଲେ ବିଜେପିର ବରିଷ୍ଠ ନେତା ବିଜୟ କେତନ ସ୍ୱାଇଁ । ଶଙ୍ଖ ଭବନରେ ଆୟୋଜିତ ବିଜେଡିର ମିଶ୍ରଣ ପର୍ବରେ ସେ ସାମିଲ ହୋଇଛନ୍ତି । ଶତାଧିକ ବିଜେପି କର୍ମୀଙ୍କ ସହ କେନ୍ଦ୍ରାପଡା, ରାଜନଗର, ପଟ୍ଟାମୁଣ୍ଡାଇର ବରିଷ୍ଠ ନେତା ବିଜେଡିରେ ସାମିଲ ହୋଇଛନ୍ତି । କେନ୍ଦ୍ରାପଡା ଜିଲ୍ଲାର ପର୍ଯ୍ୟବେକ୍ଷକ ପ୍ରତାପ ଜେନାଙ୍କ ଉପସ୍ଥିତିରେ ଶଙ୍ଖ ଭାବନରେ ବିଜେଡିରେ ମିଶିଛନ୍ତି ।
ଦଳ ସୁପ୍ରିମୋ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ସେ ବିଜେଡିରେ ସାମିଲ ହୋଇଛନ୍ତି ।
ସୂଚନାଯୋଗ୍ୟ ଯେ, ଛାତ୍ର ଜୀବନରୁ ରାଜନୈତିକ କ୍ୟାରିୟର ଆରମ୍ଭ କରିଥିଲେ ବିଜୟ କେତନ । ବିଜୁ ବାବୁଙ୍କ ଅନୁଗତ ଥିଲେ ବିଜୟ । ବିଜୟ କେତନ ଜନତା ଦଳରେ ଅବିଭକ୍ତ କଟକର ସମ୍ପାଦକ ଥିଲେ । କେନ୍ଦ୍ରାପଡା ଜିଲ୍ଲାର ଜନତା ଦଳରୁ ପ୍ରଥମ ସଭାପତି ଥିଲେ । ୧୯୯୮ରୁ ୨୦୦୦ରେ ବିଜୁ ଜନତା ଦଳରେ ଥିଲେ ।