ଓଡ଼ିଶା ଫାଷ୍ଟ(ବ୍ୟୁରୋ):ଦେଶରେରେ କରୋନା ଭାଇରସ ମୃତ୍ୟୁ ସଂଖ୍ୟା ମଙ୍ଗଳବାର ସକାଳସୁଧା ୯୩୪ରେ ପହଞ୍ଚିଛି। ଏଥିରେ ମହାରାଷ୍ଟ୍ରରୁ ଅଧିକ ଲୋକ କରୋନା ଭାଇରସରେ ଜୀବନ ହରାଇଛନ୍ତି। କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ତରଫରୁ ଦିଆଯାଇଥିବା ସୂଚନା ଅନୁସାରେ ଆକ୍ରାନ୍ତଙ୍କ ସଂଖ୍ୟା ୨୯ ହଜାର ୪୩୫କୁ ବୃଦ୍ଧି ପାଇଛି। ଏବେ ଦେଶର ବିଭିନ୍ନ କୋଭିଡ ହସ୍ପିଟାଲରେ ୨୧ ହଜାର ୬୩୨ ଜଣଙ୍କ ଚିକିତ୍ସା ଜାରି ଥିବା ବେଳେ ୬ ହଜାର ୮୬୯ ଜଣ ସୁସ୍ଥ ହୋଇଛନ୍ତି ।
ସୂଚନାଯୋଗ୍ୟ,ମହାରାଷ୍ଟ୍ରରେ ମୋଟ ୮ ହଜାର ୫୧୯ ଜଣ ଆକ୍ରାନ୍ତ ଥିବାବେଳେ ମୃତକଙ୍କ ସଂଖ୍ୟା ହେଉଛି ୩୬୯ ଜଣ । ଗୁଜୁରାଟରେ ୧୬୨ ଜଣ, ମଧ୍ୟପ୍ରଦେଶରେ ୧୧୦ ଜଣ, ଦିଲ୍ଲୀରେ ୫୪ ଜଣ ଜୀବନ ହାରିଛନ୍ତି। ସମଗ୍ର ବିଶ୍ୱରେ କରୋନା ଭାଇରସ ଯୋଗୁଁ ୩୦ ଲକ୍ଷ ୬୨ ହଜାର ୫୯ ଜଣ ସଂକ୍ରମିତ ଥିବା ବେଳେ ଏଥିରୁ ୨ ଲକ୍ଷ ୧୧ ହଜାର ୪୩୩ ଜଣଙ୍କ ମୃତ୍ୟୁ ହୋଇଛି।
