ଟ୍ରକ-ବସ୍ ମୁହାଁମୁହିଁ ଧକ୍କାରେ ଚାଲିଗଲା ୭ଜଣଙ୍କ ଜୀବନ, ୧୩ ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି

ମୁମ୍ବାଇ-ପୁଣେ ରାଜପଥରେ ମର୍ମନ୍ତୁଦ ଦୁର୍ଘଟଣା । ଟ୍ରକ-ବସ୍ ମୁହାଁମୁହିଁ ଧକ୍କା ହେବାରୁ ୭ଜଣଙ୍କ ମୃତ୍ୟୁ ହୋଇଛି । ୧୩ ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାନୁସାରେ, ମୁମ୍ବାଇରୁ ନାଗପୁର ଅଭିମୁଖେ ଯାଉଥିବା ପୁରୁଣା ରାଜପଥରେ ଲୁଦାନାର ସିନ୍ଧଖେରାଜା ଅଞ୍ଚଳରେ ଏହି ଦୁର୍ଘଟଣା ଘଟିଛି ।

କୁହାଯାଇଛି ଯେ ଏକ ବସ୍ ଏଠାରେ ଯାତ୍ରୀମାନଙ୍କୁ ନେଇ ଯାଉଥିଲା । ସାମ୍ନାରୁ ଆସୁଥିବା ଏକ ଟ୍ରକ ତାଙ୍କୁ ଜୋରରେ ଧକ୍କା ଦେଇଥିଲା। ଏହି ଦୁର୍ଘଟଣାରେ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ଘଟିଛି । ସ୍ଥାନୀୟ ଲୋକ ଓ ପୋଲିସ ଅନ୍ୟ ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ । ଯେଉଁଠାରେ ଚିକିତ୍ସା ସମୟରେ ଆଉ ଜଣଙ୍କର ମୃତ୍ୟୁ ହୋଇଛି ।

ଦୁର୍ଘଟଣା ପରେ ରାସ୍ତା ଜାମ୍ ହୋଇଥିଲା । ଏହା ପରେ ପୋଲିସ କ୍ରେନ୍ ସାହାଯ୍ୟରେ ଉଭୟ କ୍ଷତିଗ୍ରସ୍ତ ଗାଡିଗୁଡ଼ିକୁ ରାଜପଥରୁ ବାହାର କରିଦେଇଥିଲା, ଯାହା ପରେ ରାଜପଥରେ ଯାତାୟାତ ସୁଗମ ହୋଇଥିଲା । ଆହତମାନଙ୍କ ମଧ୍ୟରୁ କେତେକଙ୍କୁ ଚିହ୍ନଟ କରାଯାଇଥିବା ପୋଲିସ କହିଛି । ଅନ୍ୟମାନଙ୍କୁ ଚିହ୍ନଟ କରିବା ପ୍ରକ୍ରିୟା ଜାରି ରହିଛି । ପୋଲିସ ଦୁର୍ଘଟଣାର କାରଣ ଅନୁସନ୍ଧାନ କରୁଛି । କିଛି ଆହତଙ୍କ ଅବସ୍ଥା ଗୁରୁତର ଥିବା ପୋଲିସ କହିଛି।