ଓଡ଼ିଶା ଫାଷ୍ଟ(ବ୍ୟୁରୋ):ଉତ୍ତର ପ୍ରଦେଶର ମୁଜାଫର ନଗରରୁ ଚାଲିଚାଲି ବିହାର ଯାଉଥିବା କେତେକ ପ୍ରବାସୀ ଶ୍ରମିକଙ୍କ ଉପରେ ବୁଧବାର ବିଳମ୍ବିତ ରାତ୍ରୀରେ ଗୋଟାଏ ବସ୍ ଚଢ଼ିଯିବାରୁ ୬ଜଣଙ୍କର ମୃତ୍ୟୁ ଘଟିଛି ଓ ଅନ୍ୟ ୪ ଜଣ ଆହତ ହୋଇଛନ୍ତି।
ସୂଚନାଯୋଗ୍ୟ, ରାତି ପ୍ରାୟ ୧୧ଟାବେଳେ ମୁଜାଫରନଗର-ସାହରଣପୁର ନଗର କୋଟୱାଲି ଠାରେ ଏହି ଦୁର୍ଘଟଣା ଘଟିଛି। ମୃତାହତ ଶ୍ରମିକମାନେ ଦିନ ମଜୁରିଆ ଭାବେ ପଞ୍ଜାବରେ କାମ କରୁଥିଲେ। ଲକ୍ଡାଉନ୍ ଯୋଗୁଁ ସେମାନେ ଚାଲି ଚାଲି ବିହାର ଅନ୍ତର୍ଗତ ଗୋପାଳଗଞ୍ଜରେ ଥିବା ସେମାନଙ୍କ ଘରକୁ ଫେରୁଥିଲେ। ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ପୁଲିସ ସେ ବସ୍ ଡ୍ରାଇଭର୍ ବିରୋଧରେ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।