ସୋର ୧୫।୧୦: ଅବକାରୀ ବିଭାଗର ମିଳିତ ଚଢ଼ାଉ । ଦେଶୀ, ବିଦେଶୀ ଏବଂ ନକଲି ବିଦେଶୀ ମଦ ଜବତ । ୫ ଅଭିଯୁକ୍ତ ଗିରଫ । ବାଲେଶ୍ବର ଜିଲ୍ଲା ସୋର ଅବକାରୀ ଅଧିକାରୀ ଲକ୍ଷେ ସାଧବ ପ୍ରଧାନ, ନୀଳଗିରି ଅବକାରୀ ଆଇଆଇସି ନାରାୟଣ ବେହେରା, ଜିଲ୍ଲା ଭ୍ରାମ୍ୟମାଣ ଅବକାରୀ ଆଇଆଇସି ପ୍ରବୀଣ ପ୍ରଧାନ, କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ଆଇଆଇସି ରବିନାରାୟଣ ପ୍ରଧାନ ଏବଂ ଖଇରା ଅବକାରୀ ଅଧିକାରିଣୀ କଳ୍ପନା ଜେନାଙ୍କ ନେତୃତ୍ବରେ ଏକ ଟିମ୍ ଶୁକ୍ରବାର ସକାଳେ ଶିଙ୍ଗାଖୁଣ୍ଟା ପଞ୍ଚାୟତରେ ଦୁଇଟି ଦେଶୀ ମଦ କାରଖାନା ଉପରେ ଚଢ଼ାଉ କରିଥିଲା । ଚଢାଇ ବେଳେ ୨୫୦ ଲିଟର ଦେଶୀ ମଦ, ୫୦୦ ଲିଟର ଗୁଡ଼ ପୋଚ ନଷ୍ଟ କରାଯାଇଛି ।
ସେହିପରି ସିମୁଳିଆ ଥାନା ବିରଞ୍ଚିପୁର ଗ୍ରାମରେ ଚଢ଼ାଉ କରି କମଳା ବଳ ନିକଟରୁ ୫ ଲିଟର ନକଲି ବିଦେଶୀ ମଦ ସହ ୫୦ ଲିଟର ସ୍ପିରିଟ ଜବତ କରିବା ସହ ଅଭିଯୁକ୍ତ ମହିଳା କମଳାଙ୍କୁ ଗିରଫ କରାଯାଇଛି । ଖଇରା ଥାନା ହରିପୁର ଗ୍ରାମର ହେମଲତା ଜେନାଙ୍କଠାରୁ ୧୫ ଲିଟର ଦେଶୀ ମଦ, ଝାଟିଆ ଗ୍ରାମର ଲକ୍ଷ୍ମୀ ବେହେରାଙ୍କଠାରୁ ୪ ଲିଟର ବିଦେଶୀ ମଦ ସହ ୨୦ ଲିଟର ଦେଶୀ ମଦ, ରଟିଣା ଗ୍ରାମର ଭରତ ସେଠୀ ଠାରୁ ୪୫ ଲିଟର ଦେଶୀ ମଦ ଏବଂ ହରିପୁର ଗ୍ରାମର ସୁକାନ୍ତ ଜେନାଠାରୁ ୨୦ ଲିଟର ଦେଶୀମଦ ଜବତ କରିବା ସହିତ ସମସ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।