ଓଡ଼ିଶା ଫାଷ୍ଟ(ବ୍ୟୁରୋ): ଗୋପ ପୋଲିସର ବଡ଼ ସଫଳତା । ୪ ଜଣ ବାଇକ୍ ଚୋର ଅଭିଯୁକ୍ତକୁ ଗିରଫ କରି କୋର୍ଟ ଚାଲଣ କରିଛି ପୋଲିସ ।
ସୂଚନାଯୋଗ୍ୟ ଯେ, ଗୋପ, ନିମାପଡା, କୋଣାର୍କ ଓ ବାଲିପାଟଣା ଅଞ୍ଚଳରୁ ଦୀର୍ଘ ଦିନ ହେବ ଲଗାତାର ଭାବେ ବାଇକ୍ ଚୋରୀ ହେଉଥିବାରୁ ପୋଲିସର ମୁଣ୍ଡ ବିନ୍ଧାର କାରଣ ପାଲଟିଥିଲା । ଗତ ୨୫ ତାରିଖରେ ନିମାପଡା ଥାନା ଅଧୀନ ବରଡ଼ିଖୋଲ ଅଂଚଳର ଶଶୀଭୂଷଣ ଦାସ ଗୋପ ଥାନା ଅଧିନସ୍ଥ ନାଗପୁର ବଜାରରୁ ଏକ ବାଇକ୍ ଚୋରୀ କରୁଥିବା ସମୟରେ ଲୋକଙ୍କ ହାବୁଡରେ ପଡି ନିସ୍ତୁକ ଛେଚା ଖାଇଥିଲେ । ପରେ ଗୋପ ପୋଲିସ ପହଞ୍ଚି ଶଶୀଭୂଷଣଙ୍କ ସହିତ ଦୁଇ ସହଯୋଗୀଙ୍କୁ ଗିରଫ କରିଥିଲା ।
ଏହି ବାଇକ୍ ଚୋରୀ ଘଟଣାରେ ପୋଲିସ ତଦନ୍ତ କରି ଗୋପ, ନିମାପଡା, ନିଆଳି, ଏବଂ କୋଣାର୍କ ଅଞ୍ଚଳର ବିଭିନ୍ନ ସ୍ଥାନରେ ଚଢ଼ାଉ କରି ୮ଗୋଟି ବାଇକ୍ ସହ ବିଭିନ୍ନ ଯନ୍ତ୍ରାସମାନ ଜବତ କରି ଜଣେ ଗ୍ୟାରେଜ ମାଲିକଙ୍କୁ ଗିରଫ କରିଥିଲା । ବାଇକ୍ ଚୋରୀର ମାଷ୍ଟର ମାଇଣ୍ଡ ଶଶୀଭୂଷଣ ସମେତ ନିମାପଡା ଅଞ୍ଚଳର ମନୋଜ ରାଉତ, ବିଭୂପ୍ରସାଦ ଦାସ ଏବଂ ବାଲିପାଟଣା ଅଞ୍ଚଳର ପ୍ରଦୀପ ଭୋଇଙ୍କୁ ଗୋପ ପୋଲିସ କୋର୍ଟ ଚାଲଣ କରିଥିବା ସାମ୍ବାଦିକ ସମ୍ମିଳନୀରେ ଗୋପ ଆଇଆଇସି କହିଛନ୍ତି ।
