ଓଡ଼ିଶା ପ୍ରଦେଶ କଂଗ୍ରେସ ତରଫରୁ ବସିଥିବା ପ୍ରଦେଶ ଇଲେକ୍ସନ କମିଟି ରେ ୨୦୧୯ ସାଧାରଣ ନିର୍ବାଚନ ପାଇଁ ୪୪ ଜଣ ପ୍ରାର୍ଥୀଙ୍କର ନାମ ଚୂଡାନ୍ତ ହୋଇଥିବା କଥା ଜଣାପଡିଛି ।
ସୂଚନା ଅନୁଯାୟୀ, ୨୦୧୯ ସାଧାରଣ ନିର୍ବାଚନ ରେ ପ୍ରାର୍ଥୀ ଚୟନପାଇଁ ପ୍ରଥମ ଥର ଦିଲ୍ଲୀ ପରିବର୍ତ୍ତେ ପ୍ରଦେଶ କଂଗ୍ରେସ ତରଫରୁ ଭୁବନେଶ୍ୱର ପାର୍ଟି କାର୍ଯ୍ୟାଳୟରେ ମାନସ ମନ୍ଥନ କରାଯାଇଥିଲା । ଏହି କାର୍ଯ୍ୟକ୍ରମ କେନ୍ଦ୍ରୀୟ ନେତୃତ୍ୱ ମଧ୍ୟ ଯୋଗ ଦେଇଥିଲେ । ଆଜି ବୈଠକ ଶେଷରେ ପି ସି ସି ସଭାପତି ନିରଞ୍ଜନ ପଟ୍ଟନାୟକଙ୍କ ସୂଚନା ଅନୁଯାୟୀ, ଅଧିକ ବିଜୟୀ ସମ୍ଭାବନା ଥିବା ପ୍ରାର୍ଥୀଙ୍କୁ ଚୟନ କରାଯାଇଥିବା ଜଣାପଡିଛି । କିନ୍ତୁ ପ୍ରାର୍ଥୀଙ୍କର ନାମ କେବେ ଘୋଷଣା ହେବ ତାହା ଜଣାପଡିନି । ତେବେ ଏହି ୪୪ଜଣଙ୍କ ନାମ ପରବର୍ତ୍ତୀ ସମୟରେ ଜାତୀୟ ଚୟନ କମିଟିକୁ ଯିବ, ତେବେ ଅନୁମୋଦନ ପରେ ନାମ ଘୋଷଣା ହେବ ବୋଲି ଜଣାପଡିଛି।