ଓଡ଼ିଶା ଫାଷ୍ଟ(ବ୍ୟୁରୋ): ଆଜି ରାଜ୍ୟରେ ୩୮୮ଜଣ କରୋନା ଆକ୍ରାନ୍ତ ସୁସ୍ଥ ଫେରିଛନ୍ତି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଏହି ସୂଚନା ଦେଇଛନ୍ତି। ଏମାନଙ୍କ ମଧ୍ୟରେ ଗଞ୍ଜାମ ଜିଲ୍ଲାର ସର୍ବାଧିକ ୧୮୭ ଜଣ ବ୍ୟକ୍ତି ରହିଛନ୍ତି । ସେହିଭଳି ଖୋର୍ଦ୍ଧାରୁ ୩୭ ଜଣ, କେନ୍ଦୁଝରରୁ ୩୧ ଜଣ, ଯାଜପୁରରୁ ୨୭ ଜଣ, କଟକରୁ ୨୬ ଜଣ, ନୟାଗଡରୁ ୧୮ ଜଣ, ପୁରୀରୁ ୧୬ ଜଣ, ସମ୍ୱଲପୁର ୧୪ ଜଣ, ବାଲେଶ୍ୱରରୁ ୧୧ ଜଣ, ଅନୁଗୁଳରୁ ୮ ଜଣ, କେନ୍ଦ୍ରାପଡାରୁ ୬ ଜଣ, ଗଜପତି ଓ ଝାରସୁଗୁଡାରୁ ୨ ଜଣ ଲେଖାଏଁ ଓ ବରଗଡ, ଦେଓଗଡ ଓ ଭଦ୍ରକରୁ ଜଣେ ଲେଖାଏଁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଉଲ୍ଲେଖଯୋଗ୍ୟ ଯେ ଏଯାବତ୍ ରାଜ୍ୟରେ ସର୍ବମୋଟ୍ ୮୩୬୦ ଜଣ ସୁସ୍ଥ ହୋଇ ସାରିଲେଣି । ରାଜ୍ୟରେ ସୁସ୍ଥତା ହାର ସନ୍ତୋଷଜନକ ହୋଇଥିବା ବେଳେ କରୋନା ସଂକ୍ରମଣ କମାଇବା ପାଇଁ ରାଜ୍ୟ ସରକାର ଓ ପ୍ରଶାସନ ସବୁ ପ୍ରକାର ପ୍ରଚେଷ୍ଟା କରୁଛନ୍ତି ।
