ବିହାର ନାଳନ୍ଦାର କୁଲ ଗାଁରେ ଅଘଟଣ। ଖେଳୁଥିବା ସମୟରେ ୪୦ ଫୁଟ ଗଭୀର ବୋରୱେଲରେ ପଡ଼ିଯାଇଛି ତିନି ବର୍ଷର ଶିଶୁ ଶିବମ। ଆଜି(ରବିବାର) ଏହି ଅଘଟଣ ଘଟିଛି। ଖବର ପାଇ ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି। ଜଣେ ପୁଲିସ ଅଧିକାରୀ କହିଛନ୍ତି, “ଜଣେ ଶିଶୁ ବୋରୱେଲରେ ପଡ଼ିଯାଇଥିବା ନେଇ ଖବର ପାଇଲୁ।
ତୁରନ୍ତ ଆସି ଘଟଣାସ୍ଥଳରେ ପହଞ୍ଚିଛି। ଶିଶୁକୁ ଉଦ୍ଧାର କରିବା ପାଇଁ ଯଥାସମ୍ଭବ ଚେଷ୍ଟା କରୁଛୁ। NDRF ଏବଂ ଅନ୍ୟ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ପିଲାଟି ଜୀବିତ ଅଛି, ଆମେ ତା’ ସ୍ୱର ଶୁଣିପାରୁଛୁ।” ଜଣେ ଅଧିକାରୀ କହିଛନ୍ତି, “ଉଦ୍ଧାର କାର୍ଯ୍ୟର ନିରାପତ୍ତା ଏବଂ କାର୍ଯ୍ୟକ୍ଷମତାକୁ ସୁନିଶ୍ଚିତ କରିବା ପାଇଁ ଏହି ଅଞ୍ଚଳକୁ ନଜରରେ ରଖାଯାଇଛି। ଶିଶୁକୁ ତୁରନ୍ତ ଚିକିତ୍ସା ସହାୟତା ଯୋଗାଇବା ପାଇଁ ଅମ୍ଳଜାନ ସୁବିଧା ସହିତ ମେଡିକାଲ୍ ଟିମ୍ ମଧ୍ୟ ଉପସ୍ଥିତ ଅଛନ୍ତି।”
ଶିବମଙ୍କ ମାଆଙ୍କ କହିବା ଅନୁସାରେ, “ସେ କ୍ଷେତରେ କାମ କରୁଥିଲେ ଏବଂ ତାଙ୍କ ପୁଅ ସେଠାରେ ଖେଳୁଥିଲା। ହଠାତ୍ ପାଦ ଖସିଯିବାରୁ ଶିବମ ବୋରୱେଲରେ ପଡ଼ିଯାଇଛି।”