ଓଡ଼ିଶା ଫାଷ୍ଟ(ବ୍ୟୁରୋ): ବିରୋଧୀଙ୍କ ପ୍ରବଳ ହୋ ହଲ୍ଳା ମଧ୍ୟରେ ଉପସ୍ଥାପିତ ହେଲା ୧୯୮୩୩ କୋଟିର ଅତିରିକ୍ତ ବଜେଟ । ଆଜିଠାରୁ ବିଧାନସଭାର ଶୀତକାଳୀନ ଅଧିବେଶନ ଆରମ୍ଭ ହୋଇଛି । ଶୀତକାଳୀନ ଅଧିବେଶନର ପ୍ରଥମ ଦିନରେ ଗୃହରେ ମମିତା ମେହେର ମାମଲାକୁ ନେଇ ପ୍ରବଳ ହୋ ହଲ୍ଲା ହୋଇଥିଲା । ମମିତା ମେହେର ମାମଲା ଏବଂ ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ ଦିବ୍ୟଶଙ୍କରଙ୍କୁ ନେଇ ଗୃହରେ ପ୍ରବଳ ହଟ୍ଟଗୋଳ ହୋଇଥିଲା ।
ବିରୋଧୀଙ୍କ ପ୍ରବଳ ହୋ ହଲ୍ଲା ମଧ୍ୟରେ ଏହି ଅତିରିକ୍ତ ବଜେଟ ଉପସ୍ଥାପିତ ହୋଇଥିଲା । ଅତିରିକ୍ତ ବଜେଟ ଉପସ୍ଥାପିତ ହେବା ପରେ ବାଚସ୍ପତି ସୂର୍ଯ୍ୟ ନାରାୟଣ ମିଶ୍ର ଗୃହକୁ ଆସନ୍ତା କାଲି ଯାଏଁ ମୁଲତବୀ ଘୋଷଣା କରିଥିଲେ । ଅତିରିକ୍ତ ବଜେଟରେ ୧୯୮୩୩ କୋଟିର ବ୍ୟୟବରାଦ ରହିଛି । ବିଗତ ସପ୍ତାହରେ ନବୀନ ପଟ୍ଟନାୟକଙ୍କ ନେତୃତ୍ୱରେ ଅନୁଷ୍ଠିତ କ୍ୟାବିନେଟ ବୈଠକରେ ଏହାକୁ ମଞ୍ଜୁରୀ ମିଳିଥିଲା । ଏହି ବଜେଟରେ ପଞ୍ଚାୟତିରାଜ ବିଭାଗ ପାଇଁ ସର୍ବାଧିକ ୩୬୨୪ କୋଟିର ବ୍ୟୟବରାଦ ରଖାଯାଇଛି । ଏହା ସହିତ ସ୍ୱାସ୍ଥ୍ୟ ପାଇଁ ୨୩୧୦ ଏବଂ ଶକ୍ତି ବିଭାଗ ପାଇଁ ୨୧୪୩ କୋଟିର ବ୍ୟୟବରାଦ ରଖାଯାଇଛି ।