ସ୍ତ୍ରୀର କଟାମୁଣ୍ଡ ଧରି ଥାନାରେ ପହଞ୍ଚିଲା ସ୍ବାମୀ । ଏଭଳି ଚାଞ୍ଚଲ୍ୟକର ଖବର ନୟାଗଡ଼ ଜିଲ୍ଲାରୁ ଆସିଛି। ନୟାଗଡ଼ ଜିଲ୍ଲା ବାଣୀଗୋଛା ଥାନା ବିଡ଼ାପାଜୁ ଗାଁର ଅର୍ଜୁନ ବାଘ ସ୍ତ୍ରୀକୁ ହତ୍ୟାକରି କଟାମୁଣ୍ଡ ଧରି ବାଣୀଗୋଛା ଥାନାରେ ପହଞ୍ଚିଛି । ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ହତ୍ୟା କରିଛି ସ୍ବାମୀ ।
ସେପଟେ ଵାଣିଗୋଚ୍ଛା ପୋଲିସ ତଦନ୍ତ ଆରମ୍ଭ କରିଛି । ଏଭଳି ଅମାନୁଷିକ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଥିବାବେଳେ ଭୟର ବାର୍ତ୍ତାବରଣ ଖେଳି ଯାଇଛି।
ସ୍ତ୍ରୀର ମୁଣ୍ଡରୁ ଶରୀର ଅଲଗା କରିବା ପରେ ଅର୍ଜୁନ ବାଣୀଗୋଚ୍ଛା ଅଭିମୁଖେ ବାହାରିଥିଲା। କଟାମୁଣ୍ଡକୁ ଏକ ବସ୍ତାରେ ଭର୍ତ୍ତି ପୁଲିସ ନିକଟରେ ଆତ୍ମସମର୍ପଣ କରିଥିଲା। ରିପୋର୍ଟ ଲେଖାଯିବା ବେଳକୁ ପୁଲିସ ଘଟଣାସ୍ଥଳରେ ପହଞ୍ଚି ମୁଣ୍ଡ ବିହୀନ ମୃତଦେହ ଜବତ ହୋଇଛି। ଆଇଆଇସି ଲକ୍ଷ୍ମଣ ଦଣ୍ଡସେନା କହିଛନ୍ତି, ଘଟଣାର ତଦନ୍ତ ଚାଲିଛି। ମୃତ ମହିଳା ଓ ଅଭିଯୁକ୍ତ ଅର୍ଜୁନଙ୍କର ଏକ ସନ୍ତାନ ଅଛି।