ଭୁବନେଶ୍ୱର: ରାଜ୍ୟସଭା ସାଂସଦ ସସ୍ମିତ ପାତ୍ରଙ୍କ ବିରୋଧରେ ଚିଠି ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଲେଖିଛନ୍ତି ବିଜେଡି ନେତା ପ୍ରତାପ ଜେନା । ସସ୍ମିତଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଚିଠିରେ ଦାବି କରିଛନ୍ତି ପ୍ରତାପ । ୱାକ୍ଫ ବିଲ୍ ସପକ୍ଷରେ ସସ୍ମିତଙ୍କ ଭୋଟ୍ ନେଇ ଚିଠି ଉଲ୍ଲେଖ ରଖିଛନ୍ତି ।
ଚିଠିରେ ଲେଖାଯାଇଛି ଯେ, ବିଜୁ ଜନତା ଦଳ ଗଠନ ଦିନଠାରୁ ସର୍ବଦା ମୁସଲମାନ ସଂଖ୍ୟାଲଘୁ ସମ୍ପ୍ରଦାୟଙ୍କ ସ୍ବାର୍ଥ ପାଇଁ କାର୍ଯ୍ୟ କରି ଆସୁଅଛି । ସେମାନଙ୍କର ସାମାଜିକ, ଅର୍ଥନୈତିକ ବିକାଶ ଦିଗରେ ଗତ ୨୪ ବର୍ଷଧରି ବିଜୁ ଜନତା ଦଳ ସରକାର ଆପଣଙ୍କ ନେତୃତ୍ବରେ ନିରନ୍ତର ପ୍ରୟାସ କରିଆସିଛି ଏବଂ ଆଗକୁ ମଧ୍ୟ ଏହା ବଜାୟ ରଖୁବ ବୋଲି ମୋର ଦୃଢ ଆଶା ଓ ବିଶ୍ବାସ ରହିଛି।
ହେଲେ ନିକଟରେ ୱିକଫ୍ ସଂଶୋଧନ ବିଲ୍ ୨୦୨୫ ରାଜ୍ୟସଭାରେ ଭୋଟିଂ ପାଇଁ ଆସିଥିବା ବେଳେ ଦଳୀୟ ସାଂସଦ ଶ୍ରୀ ସଜ୍ଜିତ ପାତ୍ର ସୋସିଆଲ ମିଡିଆ ‘ଏକ୍ସ’ ରେ କରିଥିବା ଏକ ପୋଷ୍ଟ ଦଳର ଆଭିମୁଖ୍ୟ ବିରୋଧୀ ଥିଲା । ୱକଫ୍ ବିଲକୁ ବିଜୁ ଜନତା ଦଳ ବିରୋଧ ରାଧ କରିବ ବୋଲି ଆପଣ ଆରମ୍ଭରୁ ନିଜ ମତ ସ୍ପଷ୍ଟ ଭାବେ ରଖୁଥିଲେ । କିଭଳି ଆଉ କେଉଁ ପରିସ୍ଥିତିରେ ଶ୍ରୀ ପାତ୍ର ସୋସିଆଲ ମିଡି ମିଡିଆରେ ଦଳ ବିରୋଧୀ ଆଭିମୁଖ୍ୟ ରଖିଲେ ତାହା ସଭିଙ୍କୁ ଆଶ୍ଚର୍ଯ୍ୟ କରିଛି । ଏହି ମନ୍ତବ୍ୟ ଅତ୍ୟ ଅତ୍ୟନ୍ତ ଦୁର୍ଭାଗ୍ୟଜନକ ଏବଂ ପୀଡ଼ାଦାୟକ। ଏହା ପଛରେ ଗଭୀର ଷଡଯନ୍ତ୍ର ଥିବା ଥିବା ମୋର ହୃଦବୋଧ ହେଉଛି।
ରାଜ୍ୟସଭା ନେତା ଭାବେ ଶ୍ରୀ ପାତ୍ର ପାତ୍ର କିଭଳି ଏହି ପୋଷ୍ଟ କଲେ ସେ ସେନେଇ ଗଭୀର ତର୍ଜମା କରାଯିବା ସହ ଏହି ଷଡଯନ୍ତ୍ର ପଛରେ କିଏ, କିଏ, ତାର ଅନୁଧ୍ୟାନ ହେବାର ଆବଶ୍ୟକତା ରହିଛି । ମୋର ଅନୁରୋଧ ରହିବ, ରାଜ୍ୟସଭାରେ ଦଳୀୟ ଳୀୟ ନେତାଙ୍କୁ କାରଣ ଦର୍ଶାଅ ନୋଟିସ୍ ଜାରି କରି ସ୍ପଷ୍ଟୀକରଣ ମଗାଯିବା ସହ କେଉଁଠି ଦୋଷ ତ୍ରୁଟି ରହିଲା ତାକୁ ତର୍ଜମା କରାଯାଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ମୋର ବିଶ୍ବାସ ଆପଣ ଏହାକୁ ଗୁରୁତ୍ବର ସହ ଗ୍ରହଣ ଗ୍ରହଣ କ କରି ଦଳୀୟ ହିତ, ରାଜ୍ୟର ସ୍ବାର୍ଥକୁ ଦୃଷ୍ଟିରେ ରଖ୍ ନିଷ୍ପତ୍ତି ନେବେ।
ଆପଣଙ୍କୁ କହିରଖୁଛୁ ଯେ, ୱକ୍ଫ ବିଲ୍କୁ ବିଜେଡି ସାଂସଦ ସସ୍ମିତ ପାତ୍ରଙ୍କ ସମର୍ଥନ ପ୍ରସଙ୍ଗରେ ବିହିତ ପଦକ୍ଷେପ ଦାବି କରିଛନ୍ତି ବିଜେଡି ନେତା ପ୍ରଫୁଲ୍ଲ ସାମଲ । ଏନେଇ ବିଜେଡି ସୁପ୍ରିମୋଙ୍କୁ ପଦକ୍ଷେପ ଗ୍ରହଣ କରିବାକୁ ଚିଠି ଲେଖିଛନ୍ତି ପ୍ରଫୁଲ୍ଲ । ସସ୍ମିତଙ୍କ ମନ୍ତବ୍ୟ ଦୁଃଖଦାୟକ ଓ ଦୁର୍ଭାଗ୍ୟଜନକ ଓ ସସ୍ମିତଙ୍କ ମନ୍ତବ୍ୟ ଆମ ଦଳକୁ କ୍ଷତି ପହଞ୍ଚାଇବ ବୋଲି ଅନୁଭବ କରୁଛି ବୋଲି ପ୍ରଫୁଲ୍ଲ କହିଛନ୍ତି । ସେହିପରି ସସ୍ମିତ ପାତ୍ରଙ୍କୁ ନେଇ ବିଧାୟକ ଗଣେଶ୍ବର ବେହେରା ସମାଲୋଚନା କରି କହିଛନ୍ତି ଯେ, ଦଳ ପାଇଁ ଉତ୍ତରଦାୟୀ ରହିବେ ଏବଂ କୈଫତ ଦେବେ ସସ୍ମିତ । ସେ ସନ୍ତୋଷଜନକ ଉତ୍ତର ନଦେଲେ କାର୍ଯ୍ୟାନୁଷ୍ଠାନ ଜରୁରୀ । ସସ୍ମିତ ପାତ୍ରଙ୍କ ମନ୍ତବ୍ୟ ଦଳ ପାଇଁ ବଡ଼ କ୍ଷତି ପହଞ୍ଚାଇବ । ନବୀନ ବାବୁ କାର୍ଯ୍ୟାନୁଷ୍ଠାନ ନେବେ ବୋଲି ବିଶ୍ବାସ ରହିଛି ।