ଭୁବନେଶ୍ୱର: ସାମାନ୍ୟ ଗାଡି ଦୁର୍ଘଟଣାକୁ ନେଇ ଯୁବକଙ୍କୁ ମରଣାନ୍ତକ ଆକ୍ରମଣ କରିବା ଅଭିଯୋଗରେ ନୂଆପଲ୍ଲୀ ଥାନା ପୁଲିସ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ନୂଆପଲ୍ଲୀ ମୁଣ୍ଢାସାହିର ସଂଜୟପଣ୍ଡା । ପୁଲିସ ଏନେଇ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି ।
ସୂଚନାଯୋଗ୍ୟ ଯେ,ଗତ ତା ୨୪.୧୨.୨୦୨୪ ରିଖ ଅପରାହ୍ନରେ ଅଭିଯୋଗକାରୀ ସଞ୍ଜୟ ବେହେରାଙ୍କର ସାନ ଭାଇ ଅଟୋ ଚଳାଉ ଥିବା ସମୟରେ ସିଆରପି ଛକ ନିକଟରେ ଅଭିଯୁକ୍ତଙ୍କର ମୋଟରସାଇକେଲ ସହିତ ମୁହାଁମୁହିଁ ଧକ୍କା ହୋଇଥିଲେ । ଏହାକୁ ନେଇ ଘଟଣାସ୍ଥଳରେ ଉଭୟ ଅଭିଯୁକ୍ତ ଓ ଆହତଙ୍କ ମଧ୍ୟରେ ଝଗଡା ହୋଇଥିଲା । ଅଭିଯୁକ୍ତ ସଞ୍ଜୟ ଓ ତାଙ୍କର କିଛି ସହଯୋଗୀମାନେ ଅଭିଯୋଗକାରୀଙ୍କର ଭାଇଙ୍କୁ ଏକ ଇଟାରେ ମରଣାନ୍ତକ କରି ତାଙ୍କ ପକେଟରୁ ଜବରଦସ୍ତ ୫୩୦/- ନେଇ ଘଟଣା ସ୍ଥଳରୁ ଚାଲି ଯାଇଥିଲେ ।
ଫୋନ ଯୋଗେ ଖବରପାଇବା ପରେ ଅଭିଯୋଗକାରୀ ଘଟଣା ସ୍ଥଳକୁ ଯାଇଥିଲେ ଓ ତାଙ୍କର ଭାଇ ଙ୍କୁ ଉଦ୍ଧାର କରି ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲକୁ ନେଇ ଯାଇଥିଲେ । ପରେ ସେ ଏନେଇ ନୟାପଲ୍ଲୀ ଥାନାରେ ଲିଖିତ ଅଭିଯୋଗ କରିଥିଲେ । ନୟାପଲ୍ଲୀ ପୁଲିସ ମାମଲାର ତଦନ୍ତ କରିବା ସହ ବିଶ୍ୱସ୍ତ ସୂତ୍ରରୁ ଖବରପାଇ ଚଢଉ ଜରିଆରେ ଅଭିଯୁକ୍ତଙ୍କୁ ତାଙ୍କ ଘରୁ ଗିରଫ କରି ଥାନାକୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ୱୀକାର କରିଥିଲେ ।