ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ସମ୍ଵର୍ଦ୍ଧିତ କଲେ ବିଜେପି ବିଧାୟକ ଏବଂ ମନ୍ତ୍ରୀ । ଭୁବନେଶ୍ବରରେ ପ୍ରଥମ ଥର ସର୍ବଭାରତୀୟ ଡିଜି-ଆଇଜି ସମ୍ମିଳନୀର ସଫଳ ଆୟୋଜନ ପାଇଁ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧନା କରିଛନ୍ତି । ବିଧାନସଭା ପରିସରରେ ଥିବା ୫୪ ନମ୍ବର କକ୍ଷରେ ମୋହନ ମାଝିଙ୍କୁ ସମ୍ଵର୍ଦ୍ଧିତ କରିଥିଲେ ବିଧାୟକ ଓ ମନ୍ତ୍ରୀ । ୩ ଦିନ ଧରି ଆୟୋଜିତ ହୋଇଥିଲା ଡିଜିଆଇଜି କନଫରେନ୍ସ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା, ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଓଡ଼ିଶାରେ ରହି ଏହି ବୈଠକରେ ଯୋଗ ଦେଇଥିଲୋ। ତିନି ଦିନିଆ କନଫରେନ୍ସକୁ ସଫଳ କରାଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଲେ ବିଜେପି ବିଧାୟକ ଏବଂ ମନ୍ତ୍ରୀ ।
ନୂଆ ସରକାର ପାଇଁ ପରୀକ୍ଷା ଥିଲା ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ମାଝି। ଆମ ରାଜ୍ୟରେ କେବେ DG ଏବଂ IGP ସମ୍ମିଳନୀ ହୋଇନଥିଲା। କିନ୍ତୁ ଆମକୁ ସୁଯୋଗ ମିଳିଲା ଏବଂ ଆମେ ସୁଚାରୁ ରୂପେ ତାହା ତୁଲାଇଲୁ। ନାଭାଲ ଡେ’କୁ ବି ଭବ୍ୟ କରିବା ପାଇଁ ଆମେ ସମସ୍ତ ପ୍ରକାରର ପ୍ରସ୍ତୁତ କରିଛୁ ବୋଲି ସେ କହିଛନ୍ତି।
ଆଗକୁ ପ୍ରବାସୀ ଭାରତୀୟ ସମ୍ମିଳନୀକୁ ସୁଚାରୁ ରୂପେ ତୁଲାଇବା ରହିଛି ଚ୍ୟାଲେଞ୍ଜ। ଏଥିପାଇଁ ଆମେ ସମସ୍ତେ ଏକତ୍ରିତ ହୋଇ କାର୍ଯ୍ୟ କରିବା ବୋଲି ଦଳୀୟ ବିଧାୟକଙ୍କୁ ଅପିଲ କରିଛନ୍ତି ମୁଖ୍ୟମନ୍ତ୍ରୀ। ଆଗାମୀ ୩୦ ଦିନ ଭିତରେ ଓଡ଼ିଶାକୁ ଆହୁରି ତିନିଥର ଆସିବେ ପ୍ରଧାନମନ୍ତ୍ରୀ। ତେଣୁ ଡବଲ ଇଞ୍ଜିନ ସରକାର ଡବଲ ବିକାଶ ପାଇଁ ଲକ୍ଷ୍ୟ ନେଇ ଆଗେଇ ଯିବା ବୋଲି ମୁଖ୍ୟମନ୍ତ୍ରୀ ମୋହନ ମାଝୀ କହିଛନ୍ତି।