ଓଡ଼ିଶା ଫାଷ୍ଟ(ବ୍ୟୁରୋ) : ୧୬ ନଂ ଜାତୀୟ ରାଜପଥର ବେଲପଡ଼ା ବାଇପାସ ନିକଟରେ ଯାତ୍ରୀବାହୀ ବସ ମା ଭୈରବୀ ଦୁର୍ଘଟଣାଗ୍ରସ୍ତ, ୩ ମୃତ । ଘଟଗାଁ ତାରିଣୀ ମନ୍ଦିରରୁ ଦର୍ଶନ ସାରି ଫେରୁଥିବା ବେଳେ ଅଜଣା ଗାଡ଼ି ସହ ବସ ମୁହାଁମୁହିଁ ହୋଇଥିଲା । ଦୁର୍ଘଟଣା ପରେ ବସଟି ବ୍ରିଜ ତଳକୁ ଖସି ପଡ଼ିଥିଲା । ଫଳରେ ବସ ତଳେ ଚାପି ହୋଇ ୨ ଜଣଙ୍କ ମୃତ୍ୟୁ ହୋଇଛି ।
ଚିକିତ୍ସାଧୀନ ଅବସ୍ଥାରେ ଅନ୍ୟ ଜଣଙ୍କ ମୃତ୍ୟୁ ହୋଇଛି । ମୃତକ ମାନେ ହେଲେ ଅସିତ ବେହେରା, ଗଙ୍ଗାଧର ମହାରଣା ଏବଂ ଇ. ଲୋଇଆ ଦାସ । ଅନ୍ୟ ୭ଜଣ ଗୁରୁତରଙ୍କୁ ବାଲୁଗାଁ ମେଡିକାଲ ସ୍ଥାନାନ୍ତର କରାଯାଇଛି । ସମସ୍ତ ଯାତ୍ରୀ ଗଂଜାମ ଗୋପାଳପୁର ଅଞ୍ଚଳର ବୋଲି ସୂଚନା ମିଳିଛି ।