ବିଜେଡି ଯୁବନେତାଙ୍କ ସନ୍ଦେହଜନକ ମୃତ୍ୟୁ । ସୁନ୍ଦରଗଡ ଟାଉନ ବିଜେଡି ଯୁବ ସଭାପତି ଧୀରଜ ପ୍ରସାଦ ଗତକାଲି ରାତିରେ ଆତ୍ମହତ୍ୟା କରିଛନ୍ତି । ସେ ତାଙ୍କ ନିଜ ଘରେ ବେକରେ ଦଉଡି ଦେଇ ଆତ୍ମହତ୍ୟା କରିଛନ୍ତି । ମୃତ ଯୁବ ନେତା ଜଣକ ହେଉଛନ୍ତି ଧୀରଜ ପ୍ରସାଦ । ଆଜି ସକାଳେ ପରିବାର ଲୋକେ ତାଙ୍କୁ ଝୁଲନ୍ତା ଅବସ୍ଥାରେ ଦେଖିବା ପରେ ଖବର ପ୍ରସାରିତ ହୋଇଥିଲା ।
ତେବେ ଧୀରଜ କାହିଁକି ଏପରି ଚରମ ପଦକ୍ଷେପ ନେଲେ ତାହା ସ୍ପଷ୍ଟ ହୋଇନାହିଁ । ଟାଉନଥାନା ପୋଲିସ ତାଙ୍କ ଗାଁ ଭିତିରିଆ ପଡ଼ାରେ ପହଞ୍ଚି ମୃତଦେହକୁ ଜବତ କରିଛି । ଏନେଇ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି । ଖବର ପାଇ ଶହଶହ ବିଜେଡି କର୍ମୀ, ସାଧାରଣ ଜନତା ତାଙ୍କ ଘରେ ପହଞ୍ଚି ଶୋକବ୍ୟକ୍ତ କରିଛନ୍ତି ।