ଓଡ଼ିଶା ଫାଷ୍ଟ(ବ୍ୟୁରୋ): ବିଲରେ ପାୱାର ଟିଲରରେ ହଳ କରୁଥିବା ସମୟରେ ଘିଟିଛି ଅଘଟଣ। ପାୱାର ଟିଲରର ଲଙ୍ଗଳ ଭିତରେ ଫସି ଜଣେ ଚାଷୀର ମୃତ୍ୟୁ ହୋଇଛି। ମୃତ ଚାଷୀ ରଥପଡା ଗ୍ରାମର ଜେଠୁରାମ ମହାନ୍ତ। ଆଜି ସକାଳୁ ସେ ନିଜ ବିଲରେ ହଳ କରୁଥିବା ବେଳେ ପାୱାର ଟିଲରର ଲଙ୍ଗଳ ଭିତରେ ଫସି ଯାଇଥିଲେ।
ଜେଠୁଙ୍କ ବାମଗୋଡ଼ ଜଙ୍ଘରେ ଏକ ଲଙ୍ଗଳ ଫାଳ ପଶି ଯାଇ ପ୍ରବଳ ରକ୍ତସ୍ରାବ ହୋଇଥିଲା। ଖବରପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଲଙ୍ଗଳକୁ କଟର ସାହାଯ୍ୟ କାଟି ତାଙ୍କୁ ଗୁରୁତର ଅବସ୍ଥାରେ ପାଟଣା ମେଡିକାଲରେ ଭର୍ତ୍ତି କରିଥିଲେ। ଅବସ୍ଥା ସଙ୍କଟାପନ୍ନ ହେବାରୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା। କଟକରେ ପହଞ୍ଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
