ଶୋଇବା ଆମ ଶରୀର ପାଇଁ ଖାଦ୍ୟ ଏବଂ ଜଳ ପରି ଗୁରୁତ୍ୱପୂର୍ଣ୍ଣ । ଯେତେବେଳେ ଆମେ ସଠିକ୍ ଭାବରେ ଶୋଇନଥାଉ, ଏହା ସିଧାସଳଖ ଆମ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ । ଏକ ରିସର୍ଚରୁ ଜଣାପଡିଛି ଯେ, ନିଦ୍ରା ଅଭାବରୁ ଅନେକ ଗୁରୁତର ରୋଗ ହୋଇପାରେ।
ହୃଦ୍ରୋଗ-
ନିଦ୍ରାର ଅଭାବ ହୃଦ୍ରୋଗର ଆଶଙ୍କା ବଢାଇଥାଏ । ଯେତେବେଳେ ଆପଣ ସଠିକ ଭାବରେ ଶୋଇନଥାନ୍ତି, ଶରୀରରେ ରକ୍ତଚାପ ବଢିଥାଏ, ଯାହା ହୃଦଘାତ ଏବଂ ଷ୍ଟ୍ରୋକର ଆଶଙ୍କା ବଢାଇଥାଏ । ଏକ ରିସର୍ଚରୁ ଜଣାପଡିଛି ଯେ, ଯେଉଁମାନେ ନିୟମିତ କମ ଶୋଇଥାନ୍ତି ସେମାନଙ୍କ ପ୍ରତି ହୃଦଘାତର ବିପଦ ଅଧିକ ଥାଏ।
ମଧୁମେହ-
ନିଦ୍ରାର ଅଭାବ ରକ୍ତରେ ଶର୍କରା ସ୍ତରକୁ ପ୍ରଭାବିତ କରିଥାଏ । ଏହା ଇନସୁଲିନ୍ ଉତ୍ପାଦନକୁ ପ୍ରଭାବିତ କରିଥାଏ, ଯାହା ମଧୁମେହର ଆଶଙ୍କା ବଢାଇଥାଏ । ଯେଉଁ ଲୋକମାନେ ୬ ଘଣ୍ଟାରୁ କମ ଶୋଇଥାନ୍ତି, ସେମାନଙ୍କୁ ଟାଇପ୍-୨ ମଧୁମେହର ଶିକାର ହେବାର ଆଶଙ୍କା ଅଧିକ ଥାଏ ।
ସ୍ମୃତିଶକ୍ତି ଉପରେ ପ୍ରଭାବ-
କମ୍ ନିଦ ହେତୁ ମସ୍ତିଷ୍କ ସଠିକ ଭାବରେ କାମ କରିବାରେ ଅସମର୍ଥ ହୋଇଥାଏ । ଏହି କାରଣରୁ, ଆପଣଙ୍କର ସ୍ମୃତିଶକ୍ତି ଦୁର୍ବଳ ହୋଇଥାଏ ଏବଂ ଭାବିବା ତଥା ବୁଝିବା କ୍ଷମତା ମଧ୍ୟ ପ୍ରଭାବିତ ହୁଏ । ଦୀର୍ଘ ସମୟ ଧରି ଶୋଇବା ଅଭାବରୁ ମାନସିକ ରୋଗ ହେବାର ଆଶଙ୍କା ମଧ୍ୟ ବଢିପାରେ ।
ଦୁର୍ବଳ ରୋଗ ପ୍ରତିରୋଧକ ଶକ୍ତି-
ଶୋଇବା ଆମର ରୋଗ ପ୍ରତିରୋଧକ ଶକ୍ତି ଉପରେ ସିଧାସଳଖ ପ୍ରଭାବ ପକାଇଥାଏ । ପର୍ଯ୍ୟାପ୍ତ ପରିମାଣରେ ନଶୋଇଲେ, ଆପଣଙ୍କର ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଥାଏ । ଏହା ଛୋଟ ରୋଗଠାରୁ ଆରମ୍ଭ କରି ଗମ୍ଭୀର ସଂକ୍ରମଣ ମଧ୍ୟ ସୃଷ୍ଟି କରିପାରେ ।
ଦୁର୍ବଳ ରୋଗ ପ୍ରତିରୋଧକ ଶକ୍ତି-
ରିସର୍ଚରୁ ଏହା ମଧ୍ୟ ଜଣାପଡିଛି ଯେ, ନିଦ୍ରା ଅଭାବ ହରମୋନ୍ ଉପରେ ପ୍ରଭାବ ପକାଇଥାଏ । ଯାହା ଭୋକ ବଢାଇଥାଏ । ଏହା ଆପଣଙ୍କୁ ଅଧିକ ଭୋକିଲା ଅନୁଭବ କରାଇଥାଏ । ଯାହା ଫଳରେ ଆପଣ ଅଧିକ ଖାଦ୍ୟ ଖାଇଥାନ୍ତି ଏବଂ ଯାହା ଆପଣଙ୍କର ଓଜନ ବଢିଥାଏ । ନିଦ୍ରାର ଅଭାବ ମେଦବହୁଳତାର ଏକ ପ୍ରମୁଖ କାରଣ ହୋଇପାରେ ।
ମାନସିକ ସମସ୍ୟା-
ନିଦ୍ରାର ଅଭାବ ମାନସିକ ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଇଥାଏ । ଏହା ଚାପ, ଚିନ୍ତା ଏବଂ ଉଦାସୀନତା ଭଳି ସମସ୍ୟା ସୃଷ୍ଟି କରିଥାଏ । ଦୀର୍ଘ ସମୟ ପର୍ଯ୍ୟନ୍ତ ନିଦ୍ରାର ଅଭାବ ମାନସିକ ସନ୍ତୁଳନକୁ ଖରାପ ମଧ୍ୟ କରିପାରେ ।
ଏହାର ସମାଧାନ-
ପ୍ରତିଦିନ ୭-୮ ଘଣ୍ଟା ଶୋଇବାକୁ ଚେଷ୍ଟା କରନ୍ତୁ ।
ଶୋଇବା ପାଇଁ ଏକ ନିର୍ଦ୍ଦିଷ୍ଟ ସମୟ ସ୍ଥିର କରନ୍ତୁ ।
ଶୋଇବା ପୂର୍ବରୁ ମୋବାଇଲ୍, ଲାପଟପ୍ ପରି ବସ୍ତୁ ଠାରୁ ଦୂରେଇ ରୁହନ୍ତୁ ।
ଶୋଇବା ପରିବେଶକୁ ଶାନ୍ତ ଏବଂ ଅନ୍ଧାର ରଖନ୍ତୁ।