ଚାଣକ୍ୟ ନୀତି ଅନୁଯାୟୀ ବ୍ୟକ୍ତି ରହିବା ଓ କାର୍ଯ୍ୟ କରିବାର ଦୃଷ୍ଟିରୁ ରହିବାର ସ୍ଥାନ ନିରୁପଣ କରିବା କଥା । ଏଥିପାଇଁ ବହୁତ ସାବଧାନ ହେବା ଉଚିତ୍ । କେବେ କେବେ ତରବରରେ ଆମେ ଭୁଲ ନିଷ୍ପତ୍ତି ନେଇଥାଉ ରହିବା ପାଇଁ ଭୁଲ ସ୍ଥାନ ନିରୁପଣ କରିଥାଉ । ଫଳରେ ଆଗାମୀ ଦିନରେ ଆମେ ବହୁତ ଅସୁବିଧାର ସମ୍ମୁଖୀନ ହୋଇଥାଉ । ଆଚାର୍ଯ୍ୟ ଚାଣକ୍ୟ ନିଜ ନୀତିରେ ଏମିତି ମହତ୍ତ୍ୱ କଥା କହିଛନ୍ତି ଯାହା ଜାଣିବା ଅତ୍ୟନ୍ତ ଆବଶ୍ୟକ । ଆଜିର ପରିପ୍ରେକ୍ଷୀରେ ଏହି କଥା ଅଧିକ ଜରୁରୀ ହୋଇପଡ଼ିଛି । ବ୍ୟକ୍ତିର ରହିବା ପାଇଁ କେଉଁ ସ୍ଥାନ ଭଲ ଓ କେଉଁ ସ୍ଥାନ ଖରାପ ତାହା ତାଙ୍କର ଏହି ଶ୍ଳୋକ ମାଧ୍ୟମରେ କହିଛନ୍ତି । ଆସନ୍ତୁ ଜାଣିବା କ’ଣ ଏହି ନୀତି ।ଚାଣକ୍ୟ କୁହନ୍ତି ବୁଦ୍ଧିମାନ ଓ ଯୋଗ୍ୟ ବ୍ୟକ୍ତିକୁ ଏମିତି ସ୍ଥାନକୁ କେବେ ବି ଯିବା କଥା ନୁହେଁ ଯେଉଁଠାରେ ରୋଜଗାର କରିବାର କିଛି ମାଧ୍ୟମ ନଥିବ । ଯେଉଁଠି ଲୋକଙ୍କୁ କୌଣସି କଥାର ଭୟ ନଥିବ । ଯେଉଁଠି ଲୋକଙ୍କୁ କିଛି କଥାରେ ଲଜ୍ଜା ନଥିବ । ଯେଉଁଠାରେ ଲୋକେ ବୁଦ୍ଧମାନ ନଥିବେ ଓ ଯେଉଁଠି ଲୋକଙ୍କ ବୃତ୍ତି ଧର୍ମ ପରିପନ୍ଥୀ ହୋଇଥିବ, ସେପରି ସ୍ଥାନରେ କେବେ ବି ଲୋକେ ବାସ କରିବା ଉଚିତ ନୁହେଁ ।
ଯଦି ଚାଣକ୍ୟଙ୍କ ଏହି କଥାକୁ ଗମ୍ଭୀରତାର ସହ ନିଆ ନଯାଏ, ତେବେ ଆପଣଙ୍କୁ କେହି ବି ସଂକଟରୁ ରକ୍ଷା କରିପାରିବେ ନାହିଁ । ଚାଣକ୍ୟଙ୍କ ଏହି କଥାର ପ୍ରାସଙ୍ଗିକତା ଆଜି ବି ରହିଛି । ଯାହାକୁ ପାଳନ କରାଯାଉଛି ଓ ଅଧ୍ୟୟନ ଏବଂ ଗବେଷଣା କରାଯାଉଛି ।